सुर्खेत । नेपाल प्रिमियर लिग (एनपीएल) को पुरस्कार राशी घोषणा भएको छ । नेपाल क्रिकेट संघ क्यानले विपत्ति जारी गर्दै पुरस्कारको घोषणा गरेको हो ।
क्यानका अनुसार एनपीएल विजेताले १ करोड १० लाख, उपविजेताले ५१ लाख, तेस्रो स्थानमा रहनेले २५ लाख र चौथो स्थानमा रहनेले १५ लाख पुरस्कार प्राप्त गर्ने छन् । क्यानले प्रतियोगिताकै उत्कृष्ट नेपाली खेलाडीलाई कार पुरस्कार दिने यसअघि नै घोषणा गरिसकेको छ ।
एनपीएलमा बुधबारदेखि प्लेअफका खेलहरू सुरु हुँदै छन् । सुदुरपश्चिम रोयल्स, जनकपुर बोल्ट्स, चितवन राइनोज र कर्णाली याक्स शीर्ष चारमा रहँदै प्लेअफमा पुगिसकेका छन् ।
